ՌԴ նախագահ Վլադիմիր Պուտինի մամուլի խոսնակ Դմիտրի Պեսկովը ոչ հաստատել եւ ոչ էլ հերքել է Ուկրաինայի նախկին նախագահ Վիկտոր Յանուկովիչի որդու մասին պտտվող լուրերը, հայտնում է «Ինտերֆաքս»-ը։
«Ես ոչ մի տեղեկություն չունեմ այդ մասին։ Ես ասելու բան չունեմ։ Ոչ կարող եմ հաստատել, ոչ էլ՝ հերքել»,- հայտարարել է Պեսկովը։
Նովոսիբիրսկում Ուկրաինայի հյուպատոսարանը նույնպես հայտարարել է, որ Ուկրաինայի նախկին նախագահի որդու ճակատագրի մասին ոչ մի տեղեկություն չունի։
Ավելի վաղ լուրեր էին շրջանառվում, որ Վիկտոր Յանուկովիչ կրտսերը խեղդվել է Բայկալում։