Հայաստանի փաստաբանների պալատի Արմավիրի մարզային համակարգողի գրասենյակը, Արմավիրի մարզպետարանը եւ էջմիածնի քաղաքապետարանը, Էջմիածնի Կոմիտասի անվան մշակույթի տանը կազմակերպել էին գիտաճանաչողական միջոցառում նվիրված Հայոց Ցեղասպանության 100-ամյա տարելիցին, որին մասնակցել է Էջմիածնի քաղաքապետ Կարեն Գրիգորյանը:
Բացման խոսքով հանդես է եկել ՀՀ փաստաբանների պալատի Արմավիրի մարզային գրասենյակի համակարգող Գուրգեն Գրիգորյանը, ով նշել է, որ Ցեղասպանության 100-ամյակին նվիրված միջոցառում Արմավիրի մարզային գրասենյակը կազմակերպում է արդեն երկրորդ անգամ, որի նպատակն է իրավական գնահատական տալը Ցեղասպանություն իրականացրած Թուրքիայի գործողություններին: Նրա խոսքով Փաստաբանների պալատում գործում է հանձնախումբ, որտեղ քննարկվում են ցեղասպանության ճանաչմանը հասնելուն իրավական գործընթացների մասին հարցեր:
Էջմիածնի քաղաքապետ Կարեն Գրիգորյանն էլ հայտնել է, որ հայերը պետք է էլ ավելի բարձրացնեն իրավագիտակցությունը, քանի որ այն հայ ժողովրդի ընդհանուր շահն է պահանջում:
Միջոցառման ընթացքում ելույթներով հանդես են եկել մարզի փաստաբաններ, ուսուցչուհիներ, մարզպետարանի աշխատակիցներ եւ դպրոցների աշակերտներ:
