Նախագահ Սերժ Սարգսյանն ցավակցական հեռագրեր է հղել Սինգապուրի նախագահ Թոնի Թան Քենգ Յամին և վարչապետ Լի Սյան Լունին՝ Սինգապուրի առաջին վարչապետ Լի Քուան Յուի մահվան կապակցությամբ:

Նշենք, որ Լի Քուան Յուն մահացել է մարտի 23-ին, 91 տարեկան հասակում։

Լի Կուան Յուն Սինգապուրի կառավարությունը գլխավորել է 1959-1990 թվականներին, որին փոխարինել է Գո Չոկ Տոնգը։ Լի Կուան Յուի գլխավորությամբ Սինգապուրը հետամնաց երկրից վերածվել է ֆինանսական կենտրոնի։