Ֆրանսիայում կործանված Airbus A320-ի զոհերի որոնումները կարող են մի քանի օր տեւել՝ բարդ տեղանքի պատճառով։ Այդ մասին հաղորդում է Reuters-ը՝ վկայակոչելով ֆրանսիական ոստիկանությանը։
«Մարմինների, ապա մնացորդների որոնումը կտեւի մի քանի օր»,- ասել է ոստիկանության ներկայացուցիչը։
Germanwings բյուջետային ավիաընկերության Airbus A-320 ինքնաթիռը կործանվել էր Ֆրանսիական Ալպերի դժվարամատչելի տեղանքում։ Օդանավում եղել է 148 ուղեւոր եւ անձնակազմի 8 անդամ։ Ֆրանսիայի նախագահ Ֆրանսուա Օլանդը հայտարարել է, որ նրանք բոլորը, ամենայն հավանականությամբ, զոհվել են։