Apple-ն իր App Store խանութից արդեն սկսել է ջնջել հակավիրուսային հավելվածները, ինչի մասին հաղորդում են Intego-ի ներկայացուցիչները: Ավելի վաղ Intego ընկերության արտադրանքը ներկայացված էր App Store-ի էջերում:
Հիմա այն օգտատերերը, որոնց սարքերն աշխատում են iOS 8.3-ով, կկարողանան հավելվածներ ներբեռնել առանց գաղտնաբառի: Այս փոփոխությունը թեեւ աննշան, բայց բավական կարեւոր է բջջային հավելվածների մշակողների համար:
Ըստ Informing-ի, հարկ է նաեւ նշել, որ Siri ձայնային օգնականը, որն աշխատում է iOS 8.3 հիմքով, կկարողանա ձայնային զանգեր կատարել, ինչպես նաեւ մի քանի նոր լեզու «սովորել»:
ComScore-ի ներկայացրած տվյալների համաձայն, iPhone-ի եւ iPad-ի օգտատերերի միայն 7%-ն է մշտապես թարմացնում բոլոր հավելվածները: Իսկ ահա մյուսները նորույթների օգնությանը դիմում են միայն այն ժամանակ, երբ դրանք իսկապես անհրաժեշտություն են դառնում աշխատելու համար: