Կամչատկայի արեւելյան ափերի մոտ այսօր՝ մարտի 25-ի գիշերը միանգամից 5 երկրաշարժ է գրանցվել՝ 4,2-5 մագնիտուդով: Այս մասին հաղորդում է «Ինտերֆաքսը»՝ վկայակոչելով Ռուսաստանի ԱԻՆ-ի Կամչատկայի երկրամասային վարչությունը:
Առաջին երկրաշարժը տեղի է ունեցել մարտի 24-ին, տեղի ժամանակով 23.15-ին, իսկ վերջինը՝ մարտի 25-ին ժամը 5.00-ին:
Բոլոր երկրաշարժերի էպիկենտրոնը գտնվել է նույն վայրում, Պետրոպավլովսկ-Կամչատսկից 220 կմ հյուսիս-արեւելք, ափից 120 կմ հեռավորության վրա:
Զոհեր եւ ավերածություններ չկան, քաղաքներում ցնցումները չեն զգացվել: Ցունամիի վտանգ չկա:
