Աշխարհում ամենահանրահայտ սոցիալական ցանցը՝ Facebook-ը, հայտարարել է նոր անսովոր գործառույթի գործարկման մասին։ On This Day, անունը կրող յուրօրինակ այս «ժամանակի մեքենան» օգտատերերին թույլ կտա գտնել այն նյութը, որով իրենց կիսվել են մի քանի տարի առաջ այդ նույն օրը։
Facebook-ում հրապարակած հին նյութերը հեշտ գտնելու այս մեթոդը դեռեւս հասանելի է միայն նրանց համար, ովքեր շատ հաճախ են թարմացնում իրենց ժապավենը։ On This Day-ը հնարավորություն կտա վերհիշել կոնկրետ օրվա ընթացքում արված սեփական գրառումները, լուսանկարները, ընկերների գրառումները։ Այս մասին գրում է Dni.ru-ն։
Facebook-ի «Ժամանակի մեքենան» կարող եք գտնել նորությունների ժապավենի ձախ կողմում գտնվող կարգավորիչների մեջ։ Ընդ որում այդ տեղեկությունները հասանելի են միայն հեղինակի համար, սակայն ցանկության դեպքում կարելի կլինի կիսվել նաեւ ընկերներների հետ։
TJournal-ը տեղեկացնում է, որ Facebook-ը մտադիր է այս գործառույթը իրացնել առաջին հերթին բջջայինների համար։