Ոստիկանությունը պարզել է, թե ով է մարտի 17-ին դանակահարել Շիրակի մարզի Ձորակապ գյուղի բնակչին:
Այդ օրը Մարալիկի շտապօգնության կայանից ոստիկանության բաժին ահազանգ է ստացվել, որ Գյումրիի բժշկական կենտրոն է տեղափոխվել դանակահարված քաղաքացի:
Ոստիկաններին հաջողվել է պարզել, որ դանակահարությունը կատարել է նույն գյուղի բնակիչ Սամվել Գրիգորյանը, որի հետ վերջինս երկար ժամանակ վեճ է ունեցել: Մարտի 17-ին տուժածն ու Սամվելը նորից հանդիպել են, նորից վիճել եւ Սամվելը խոհանոցային դանակով մի քանի անգամ հարվածել է վաղեմի ծանոթին:
Դեպքի առթիվ հարուցվել է քրեական գործ ՀՀ քրեական օրենսգրքի 112-րդ հոդվածի 1-ին մասի հատկանիշներով:
Մանրամասները՝ ոստիկանության պատրաստած տեսանյութում:
