Ոստիկանությունը խուզարկել է կործանված A320-ի երկրորդ օդաչու Անդրեաս Լյուբիցի բնակության վայրերը, որին կասկածում են միտումնավոր կերպով ինքնաթիռը կործանման տանելու մեջ: Այս մասին հաղորդվում է Die Zeit-ի բլոգում:
Խուզարկել են Դյուսելդորֆի ծայրամասում գտնվող Լյուբիցի բնակարանը, ինչպես նաեւ Մունթաբաուրում գտնվող տունը, որտեղ նա ապրել է իր ծնողների հետ: Խուզարկությունների արդյունքների մասին ոչինչ չի հաղորդվում:
28-ամյա օդաչուին կասկածում են 150 ուղեւոր ունեցող օդանավը միտումնավոր կերպով կտրուկ վայրէջքի տանելու մեջ: Այդպիսով նա, փաստորեն, զանգվածային սպանություն է կատարել: Ըստ Ինտերֆաքսի, նա դեմ արդեն քրեական գործ է հարուցվել:
Երկրորդ օդաչուի մեղավորության մասին եզրակացությունն արվել է «սեւ արկղերից» մեկի տվյալների վերծանումից հետո: Մարսելի դատախազ Մորիս Ռոբենը հաղորդել է, որ աղետից առաջ Լյուբիցն օդաչուական խցիկում մենակ է մնացել եւ սկսել է մտածված կերպով կտրուկ վայրէջք կատարել: Օդանավի հրամանատարը, որը, ամենայն հավանականությամբ, զուգարան է գնացել, փորձել է դուռը կոտրելու միջոցով խցիկ մտնել, սակայն երկրորդ օդաչուն նրան ներս չի թողել:
Դատախազը հայտարարել է, որ, ըստ ստացված տվյալների, Լյուբիցի մոտ խուճապ չի եղել, նա հանգիստ է շնչել: Ահաբեկչության մասին վարկածը Մարսելի դատախազությունում կասկածելի են համարում: Այստեղ նշում են, որ ուսումնասիրելու են Լյուբիցի շրջապատին:
Ինչ վերաբերում է ուղեւորներին. սեւ արկղի տվյալների համաձայն, նրանք ինքնաթիռի վայր ընկնելը գիտակցել են վերջին պահին: Այդ ժամանակ ձայնագրությունում ճիչեր են լսվում: