Հայաստանի ՏԿԱԻՆ-ում, այսօր՝ մարտի 27-ին, ժամը 01.52-ին ահազանգ է ստացվել, որ Երեւանի Ազատության պողոտայի եւ Զարյան փողոցի խաչմերուկում տեղի է ունեցել ավտովթար, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «ԲՄՎ» մակնիշի 34 VD 910 պ/հ (վարորդ` Վ. Ա., ծնվ. 1988թ.) եւ «Տոյոտա Ալտեզա» մակնիշի 60 QQ 022 պ/հ (վարորդ` Հ. Վ., ծնվ. 1987 թ.) ավտոմեքենաները: «Տոյոտա» մակնիշի ավտոմեքենայի վարորդը հոսպիտալացվել է «Սրբ.Գր. Լուսավորիչ» ԲԿ, որտեղ վերջինիս առողջական վիճակը գնահատվել է բավարար:
Հրշեջ-փրկարարները հոսանքազրկել են «ԲՄՎ» մակնիշի ավտոմեքենան եւ փակել «Տոյոտա» մակնիշի ավտոմեքենայի գազի փականը: