Ֆրանսիայի հարավում Germanwings ավիաընկերությանը պատկանող կործանված օդանավի հրամանատարն իր կյանքի վերջին րոպեներին փորձել է կոտրել օդաչուների խցի դուռը, գրում է Bild թերթը՝ վկայակոչելով քննության մոտ կանգնած աղբյուրներին:
Քննիչների տվյալներով, 4U9525 չվերթի օդաչուն մի քանի րոպեով դուրս է եկել օդաչուների խցից, իսկ վերադառնալիս չի կարողացել բացել դուռը, քանի որ այն ներսից փակ է եղել, հաղորդում է «ՌԻԱ նովոստին»:
Հրամանատարը երկար խնդրել է երկրորդ օդաչու Անդրեաս Լյուբիցին բացել դուռը: «Մինչ երկրորդ օդաչուն անհայտ պատճառներով իջեցնում էր օդանավը, անձնակազմի հրամանատարը վերցրել է կացինն ու սկսել է կոտրել դուռը, որպեսզի կանխի աղետը»,-նշում է պարբերականը:
Germanwings ավիաընկերությունը հայտարարել է, որ օդանավն ընկել է մոտ 8 րոպե: