ԼՂՀ առողջապահության նախարար Հարություն Քուշկյանն այցելել է «Արեւիկ» մանկական բուժմիավորում, որտեղ սկսել են իրականացվել մասնակի վերանորոգման ու տարածքի բարեկարգման աշխատանքներ:
Նախարարը տեղում ծանոթացել է աշխատանքների ընթացքին, տվել հանձնարարականներ, հստակեցրել դրանց կատարման ժամկետները: Այցի շրջանակներում կազմակերպվել է հանդիպում բուժանձնակազմի հետ, քննարկվել են բուժմիավորումում նոր ծառայությունների, սարքավորումների եւ տարբեր տեսակի գործիքների ներդրման հետ կապված խնդիրները:
Այդ առիթով նախարարը բուժմիավորման տնօրինությանը հանձնարարել է բարձրացված հարցերի վերաբերյալ նախարարություն ներկայացնել հիմնավորված առաջարկներ եւ հավաստիացրել է ներկաներին, որ վերանորոգմանը զուգահեռ բուժհիմնարկը կհամալրվի նաեւ համապատասխան սարքավորումներով, միջանցքներում կտեղադրվեն բավարար քանակությամբ նստարաններ, հեռուստացույցեր եւ կստեղծվեն բոլոր պայմանները հարմարավետություն ապահովելու համար:
Կստեղծվի նաեւ շուրջօրյա պահակային հերթապահություն: