Գյումրիում այսօր՝ մարտի 28-ին, «Հիմնադիր խորհրդարանի» հանրահավաքի ժամանակ դանակահարված՝ կառույցի անդամներից Հրաչիկ Միրզոյանի փայծաղը հեռացրել են, ներքին արյունահոսությունը դադարեցվել է։ Այս մասին NEWS.am-ին ասաց «Հիմնադիր խորհրդարանի» պատգամավոր Վարդան Հակոբյանը՝ նշելով, որ վիրահատությունը դեռ չի ավարտվել։
Հիշեցնենք, որ Հրաչիկ Միրզոյանի մոտ դանակահարությունից հետո սկսվել էր ներքին արյունահոսություն: Նրան Գյումրիի թատերական հրապարակից «Շտապօգնության» մեքենայով տեղափոխել էին Գյումրու բժշկական կենտրոն։
Ինչպես ավելի վաղ հաղորդել էինք, միջադեպ էր տեղի ունեցել նաեւ Գյումրիի թատերական հրապարակում «Հիմնադիր խորհրդարանի» հրավիրած հանրահավաքի ժամանակ. մի խումբ երիտասարդներ ձվեր են նետել հանրահավաքի մասնակիցների ուղղությամբ, անհայտ անձը դանակահարել է «Հիմնադիր խորհրդարանի» անդամներից Հրաիկչ Միրզոյանին։ «Հիմնադիր խորհրդարանը» Երեւանից մեկնել էր Գյումրի «Հարյուրամյակն առանց ռեժիմի» շարժման մասին իրազեկման հանրահավաք անցկացնելու։