Եվրասիական տնտեսական միությանն անդամակցելու՝ Հայաստանի որոշումն ակնթարթային չէր: Այս մասին մարտի 28-ին Երեւանում ՌԴ Պետդումայի ԱՊՀ հարցերի, եվրասիական ինտեգրման եւ հայրենակիցների հետ կապերի հանձնաժողովի հետ համատեղ նիստում հայտարարեց Հայաստանի Ազգային ժողովի արտաքին հարաբերությունների հանձնաժողովի նախագահ Արտակ Զաքարյանը:
Նա նաեւ հավելեց, որ եվրասիական ինտեգրումը Հայաստանի անվտանգության շահերից է բխում: Անվտանգության ներքո պետք է հասկանալ ոչ միայն պաշտպանությունը, այլեւ տնտեսական անվտանգությունը, այդ թվում՝ էներգետիկ եւ հաղորդակցական:
«Ինչ վերաբերում է ռազմականին, ապա Հայաստանի եւ Արցախի զինված ուժերը վստահորեն վերահսկում են իրավիճակը: Բայց անվտանգությունը, ինչպես արդեն նշեցի, նաեւ բազմաթիվ այլ բաղադրիչներ ունի: Եվ կարծում եմ, որ համագործակցության խորացման հետ դրական արդյունքներն ակնհայտ կլինեն: Հույս ունենք, որ ռուսական տնտեսությունում ժամանակավոր դժվարությունները կհաղթահարվեն, ինչը կօգնի մոտեցնել այդ արդյունքները»,- հավելեց Զաքարյանը: