Ֆրանսիական Ալպերում կործանված Airbus 320-ի առաջին օդաչուն 20 րոպե շարունակ խնդրում էր Անդրեաս Լուբիցին բացել դուռը: Այս մասին ասված է օդանավի «սեւ արկղերի» ձայնագրությունների սղագրության մեջ, որը հրապարակել էր գերմանական Bild պարեբականը, գրում է The Mirror-ը:
Հրամանատարը 20 րոպե փորձել է համոզել Լուբիցին ներս թողնել իրեն: Ձայնագրության մեջ լսվում է, ինչպես է առաջին օդաչուն փորձում կոտրել դուռը: Այդ պահին միացել է «Առջեւում երկիրն է, բարձրությու՛ն հավաքեք» ազդանշանը, գրում է Gazeta-ն:
Ավելի վաղ հայտնի էր դարձել, որ Lufthansa-ն գերմանական Bild պարբերականին հայտնել էր, որ օդանավի հրամանատարը, փորձել է կոտրել զրահապատ դուռը կացինով: Germanwings ավիաընկերությունը հաստատել էր օդանավում կացինների առկայության փաստը: