Հնդկաստանի արեւելյան Ջարքհանդի նահանգում ուղեւորատար ավտոբուսն ընկել է կիրճը, որի հետեւանքով մահացել է 10, վիրավորվել մոտ 30 մարդ: Այս մասին հայտնել է է NDTV ազգային հեռուստաալիքը:
Ոստիկանության տվյալներով՝ վթարը տեղի է ունեցել այսօր՝ մարտի 30-ի առավոտյան, վատ եղանակային պայմանների պատճառով: Վարորդը բարդ լեռնային հատվածում չի կարողացել կառավարել մեքենան, եւ ավտոբուսը դուրս է եկել ճանապարհի երթեւեկելի մասից: Հենց տեղում մահացել է 10 մարդ, այդ թվում՝ վարորդը: Լուրջ վնասվածքներ են ստացել 25 ուղեւորներ, եւս 5-ը թեթեւ վնասվածքներ են ստացել, հաղորդում է ՏԱՍՍ-ը:
