Հայաստանի տարբեր մարզերից ժամանած 100-ից ավելի ջերմոցատերեր այսօր՝ մարտի 30-ին, վաղ առավոտից Կառավարության մոտ են հավաքվել եւ պահանջում են Թուրքիայից լոլիկ չներկրել Հայաստան: NEWS.am-ի հետ զրույցում ջերմոցատերերը դժգոհեցին, որ Թուրքիայից ներկրված լոլիկը, որը թունաքիմիկատներով է աճեցված, նույն գինն է ունենում, ինչ իրենց աճեցրածը, շուկայում լճացում է առաջանում եւ իրենք չեն կարողանում իրենց լոլիկը իրացնեն (ֆոտոռեպորտաժ):
«Ուզում ենք, որ լոլիկ չբերեն Թուրքիայից, էստեղ լճացում է լինում, մենք չենք կարողանում վաճառել, քանի որ ներկրված լոլիկը նույն գնով վաճառում են, մեր լոլիկն էլ մնում է: Մենք մշակելիս լիքը ծախսեր ենք անում՝ գազի փող ենք տալիս, պարարտանյութեր, ցելոֆան, ու արդյունքում տուժվում ենք »,-ասաց ջերմոցատեր Վահան Եղիազարյանը:
NEWS.am-ի թղթակիցը հաղորդում է, որ մոտ 20 ջերմոցատերերի այս պահին ընունել է ՀՀ գյուղատնտեսության նախարար Սերգո Կարապետյանը: Նա խոստացավ ջերմոցատերերի բողոքը լսել եւ լուծում առաջարկել:
