Ռուս ընդդիմադիր քաղաքական գործիչ Բորիս Նեմցովի ընտանիքի փաստաբան Վադիմ Պրոխորովը կարծում է, որ ձերբակալվածներից ոչ մեկը չի կարող Նեմցովի մարդասպանը լինել։ Այս մասին գրում է «Կոմերսանտ» պարբերականը։
«Ինչ վերաբերում է նոր կասկածյալներին, ապա հնարավոր է, շուտով նրանք մեղադրյալներ դառնան, եւ դա տրամաբանական է, իսկ ես հենց սկզբից ասել եմ, որ ձերբակալվածների մեջ ակնհայտորեն չկան ո՛չ կազմակերպիչներ, ո՛չ էլ հատկապես պատվիրատուներ»,- ասել է փաստաբանը՝ նշելով, որ սպանության կրոնական դրդապատճառների մասին լրատվամիջոցներում շրջանառվող վարկածը չի համապատասխանում իրականությանը։
Ավելի վաղ հայտնի էր դարձել, որ քննիչները գտել են Նեմցովի սպանության գործով անցնող եւ մեկ ֆիգուրանտի։
