Աստանայում, մարտի 20-ին, Ղազախստանի, Ռուսաստանի եւ Բելառուսի նախագահների հանդիպմանը պարտադիր չէր հայկական կողմի ներկայությունը: Այս մասին, այսօր՝ մարտի 30-ին, լրագրողներին հայտարարել է Հայաստանի փոխվարչապետ, միջազգային տնտեսական ինտեգրման եւ բարեփոխումների նախարար Վաչե Գաբրիելյանը:
Դիտարկմանը, թե այդ հանդիպմանը քննարկվել են ոչ միայն այդ երեք երկրների ներքին հարցեր, այլեւ եվրասիական ինտեգրմանը վերաբերող խնդիրներ, որոնք վերաբերում են նաեւ Հայաստանին, Գաբրիելյանը հակադարձել է. «Երբ հանդիպում են, օրինակ, Ֆրանսուա Օլանդն ու Անգելա Մերկելը, նրանք անկասկած բարձրացնում են նաեւ համաեվրոպական հարցեր, բայց դա չի նշանակում, որ նրանց երկկող հանդիպումներին պետք է ներկա լինեն ԵՄ բոլոր երկրների առաջնորդները: ԵՏՄ-ում կան քննարկման ձեւաչափեր, որդ թվում Բարձրագույն տնտեսական խորհուրդը եւ մի շարք այլ եւ այդ ձեւաչափերում Հայաստանը մասնակցում է»,-նշել է Գաբրիելյանը:
