Land Rover ընկերությունը ներկայացրել է Range Rover-ի ամենաշքեղ մոդիֆիկացիան, որը SVAutobiography անունն է ստացել: Նորույթը ներկայացվելու է ապրիլի սկզբին, Նյու Յորքի ավտոսրահում:
Մոդելը հնարավոր կլինի պատվիրել երկու գույն ունեցող թափքով. մի երանգը ներքեւի հատվածի, մյուսը՝ վերեւի հատվածի համար:
Ըստ Motor-ի, Range Rover SVAutobiography ինտերիերում բազմաթիվ դեկորատիվ մանրուքներ կլինեն: Բացի այդ, սրահի հետեւի հատվածի ուղեւորների համար հասանելի կլինեն սեղանիկներ եւ սառնարան:
Range Rover SVAutobiography-ն կունենա շարժիչների նույն տարբերակները, ինչ սովորական մոդելը, ինչպես նաեւ 550 ուժանոց 5 լիտր ծավալով շարժիչ: Այն կհամադրվի ZF ավտոմատ փոխանցման տուփի հետ:
Նորույթը վաճառքի կհանվի ամռանը: