«Բարգավաճ Հայաստան»-ը, ՀԱԿ-ն ու «Ժառանգությունը» համագործակցության շուրջ փոխադարձ պարտավորություններ չունեն։ Այս մասին այսօր՝ մարտի 31-ին կայացած մամուլի ասուլիսի ժամանակ լրագրողներին հայտարարեց ԲՀԿ պատգամավոր Միքայել Մելքումյանը՝ պատասխանելով ընդդիմադիր եռյակի համագործակցության հեռանկարների մասին հարցին։
«Մենք մեզ ինչ-որ բանի պարտադրող որեւէ փաստաթուղթ չենք ստորագրել։ Մենք համագործակցության շուրջ բանավոր համաձայնության էին եկել սկզբում խորհրդարանում, իսկ հետո՝ նրա պատերից դուրս։ Մենք հաջողությամբ իրականացրել ենք այդ համաձայնությունները 2014թ. աշնանը եւ դրանից հետո»,- հայտարարեց Մելքումյանը հավելելով, որ կուսակցության անդամները պահպանում են իրենց կապերը ՀԱԿ եւ «Ժառանգություն» կուսակցության ներկայացուցիչների հետ։ «Մենք բաց ենք նրանց հետ համագործակցելու համար»,- նշեց պատգամավորը։
