2015 թվականին Հայաստանի ՀՆԱ աճը կարող է կազմել ընդամենը 0,8 տոկոս: Այս մասին այսօր՝ մարտի 31-ին լրագրողներին հայտնել է Համաշխարհային բանկի հայաստանյան գրասենյակի տնoրեն Լորա Ի. Բեյլին:
Նրա խոսքով՝ 2015-ի կանխատեսումները պետք է ավելի զգույշ լինեն՝ հաշվի առնելով տարածաշրջանում, մասնավորապես Ռուսաստանում տնտեսական լճացումը:
Բայց նույնիսկ այս համեստ գնահատականը կարող է փոխվել բացասական ուղղությամբ՝ Ռուսաստանում եւ Եվրոպայում անկանխատեսելի տնտեսական գործընթացների կամ Հայաստանի արժութային փոխարժեքի կտրուկ տատանումների դեպքում, հավելել է Բեյլին:
Հիշեցնենք, որ 2015-ի հունվարին Հայաստանի ԿԲ-ն ՀՆԱ-ի 0,4-2 տոկոս աճ էր կանխատեսել:
