Փրկարար ծառայությունը մարտի 31-ին, ժամը 19.31 տեղեկություն է ստացել, որ Շիրակի մարզի Ախուրյան-Ջրառատ ավտոճանապարհին` Կառնուտ գյուղի մոտակայքում, տեղի է ունեցել ՃՏՊ. կան տուժածներ, անհրաժեշտ է օգնություն:

Դեպքի վայր է մեկնել մեկ մարտական հաշվարկ:

Պարզվել է, որ Ախուրյան-Կառնուտ ավտոճանապարհի 3-րդ կմ-ում բախվել են «ՎԱԶ 2107» մակնիշի ВК011Т26 (վարորդ` Ա. Կ., ծնվ.1987թ.) եւ «ԲՄՎ» մակնիշի 93CC939 պետհամարանիշներով  (վարորդ` Հ. Մ. , ծնվ. 1962թ.) ավտոմեքենաները, ինչից Ա.Կ.-ը, «ՎԱԶ 2107» մակնիշի ավտոմեքենայի ուղեւոր Պ. Ա.-ը (ծնվ.1993թ.) տեղում զոհվել են:

Դեպքի վայր է մեկնել եւս մեկ մարտական հաշվարկ:

Մինչ հրշեջ-փրկարարների կանչի վայր հասնելը Հ.Մ.-ը եւ «ԲՄՎ» մակնիշի ուղեւոր Ս. Պ.-ը (ծնվ. 1962թ.) տեղափոխվել են Գյումրու ԲԿ, որտեղ բժիշկները տուժածների առողջական վիճակը գնահատել ծանր:

Փրկարարները «ՎԱԶ 2107» ավտոմեքենայից դուրս են բերել Ա.Կ.-ի եւ Պ.Ա.-ի դիերը եւ հանձնել շտապօգնության աշխատակիցներին:

Հրշեջ-փրկարարները անջատել են ավտոմեքենաների մարտկոցները եւ իրականացրել են ճանապարհահատվածի լվացման աշխատանքներ: