Մարտի 31-ին ոստիկանության Ախուրյանի բաժնում հաղորդում է ստացվել, որ ժամը 19.15-ի սահմաններում «ԲՄՎ-320» մակնիշի ավտոմեքենան Ախուրյան-Կառնուտ ավտոճանապարհի 3-րդ կմ-ին բախվել է «ՎԱԶ-2107» մակնիշի ավտոմեքենային:

Ոստիկանության մամուլի ծառայությունից հայտնում են, որ վթարի հետեւանքով «ՎԱԶ-2107»-ի վարորդը` 28-ամյա Արա Կարապետյանը եւ ուղեւորը` 22-ամյա Պարույր Աթոյանը տեղում մահացել են, իսկ «ԲՄՎ-320»-ի վարորդը եւ ուղեւորուհին մարմնական վնասվածքներով տեղափոխվել են հիվանդանոց:

Ապրիլի 1-ին, ժամը 00.20-ին, հիվանդանոցից հաղորդում է ստացվել, որ «ձախ ծնկի հոդի սալջարդ, ձախ ոտնաթաթի սալջարդ» ախտորոշմամբ բուժօգնության է դիմել նաեւ «ԲՄՎ-320»-ի ուղեւոր, 23-ամյա Ազատ Մ.-ն:

Կատարվում է քննություն: