ԵՄ-ն աջակցում է ԼՂ խնդրի խաղաղ կարգավորմանն ուղղված ԵԱՀԿ Մինսկի խմբի համանախագահների ջանքերին: Այս մասին հայտարարել է ԵՄ Բաքվի գրասենյակի ղեկավար Մալենա Մարդը:
«Մենք երկար ժամանակ բանակցություններ ենք վարել՝ ուղղված վստահության ստեղծման համար օգնություն տրամադրելուն»,-ասել է նա:
Դիվանագետը նշել է, որ ԵՄ-ն հատուկ ուշադրություն է դարձնում տարածքային ամբողջականության եւ անվտանգության հարցերին: «Մեզ համար ստատուս քվոն անընդունելի է: Նախորդ տարի նախագահները հանդիպել են երեք անգամ: Բարձր մակարդակի հանդիպումների անցկացումը կարեւոր է: ԵՄ-ի՝ Հարավային Կովկասի հարցերով հատուկ ներկայացուցիչը մշտապես կապ է պահպանում համանախագահների հետ»,-ընդգծել է Մարդը: