Իռլանդիայի մայրաքաղաք Դուբլինի օդանավակայանում Ryanair ավիաընկերության երկու օդանավեր են բախվել իրար, գրում է The Irish Times-ը: Ինքնաթիռներից մեկը պետք է թռչեր Խորվաթիայի Զադար, իսկ մյուսը՝ Շոտլանդիայի Էդինբուրգ քաղաքներ:
Առկա տվյալների համաձայն՝ ինքնաթիռները գտնվել են թռիչքուղու վրա և պատրաստվել են թռիչքի, երբ մի օդանավերից մեկը թևով դիպել է երկրորդ օդանավի պոչին, հաղորդում է Gazeta-ն:
Դեպքի վայր են ժամանել արտակարգ իրավիճակների ծառայությունների ներկայացուցիչները, վիրավորների մասին տեղեկություններ չկան: Ուղևորները լքել են օդանավերը, հայտնել են Ryanair-ից:
