Մարդու իրավունքների եվրոպական դատարանը մարտի 31-ին Հայաստանի Հանրապետության դեմ երեք որոշում է կայացրել։
Համաձայն առաջին որոշման՝ խախտվել են քաղաքացի Արտաշես Դավթյանի իրավունքները։ ՄԻԵԴ-ի կարծիքով՝ գործում տեղ է գտել նրա արժանապատվությունը ոտնահարող անմարդկային վերաբերմունք։ Դավթյանը բողոք էր ներկայացրել բանտում գտնվելիս ոչ բավարար բժշկական օգնություն ստանալու համար։ Պետությունը պարտավորվել է Դավթյանին 9 060 եվրո վճարել։
Երկրորդ գործը վերաբերում է Հայաստանի Հելսինկյան կոմիտեի ներկայացրած բողոքին։ Կոմիտեն բողոք էր ներկայացրել Երեւանի քաղաքապետարանի դեմ, որն արգելել էր խաղաղ երթ կազմակերպել։
Վերջին որոշումը կայացվել է Բագրատ, Նարինե եւ Արեւիկ Նալբանդյանների գործով։ Դատարանը ճանաչել է արդար դատավարության Նալբանդյանների իրավունքը։ Համաձայն դատարանի որոշման՝ պետությունը Նալբանդյաններն պետք է համապատասխանաբար վճարի 10 հազար, 27 հազար եւ 25 հազար եվրո։
