Թուրքիայում օրեր առաջ դատախազին պատանդ վերցնելու տեսագրությունները սոցցանցերում տարածելու հետ կապված թուրքական դատարանը ժամանակավորապես արգելափակել է Facebook, Twitter եւ Youtbe կայքերը։
Ինչպես տեղեկացնում է թուրքական Milliyet-ը, DHKP-C-ի զինյալների կողմից դատախազին պատանդ վերցնելու լուսանկարի տարածման վրա դատարանը արգելք էր դրել, սակայն սոցցանցերում այն շարունակում էր շրջանառվել, ինչն էլ ստիպել էր դատարանին սոցցանցերը արգելափակելու որոշում կայացնել մինչ այդ լուսանկարները հեռացվեն կայքերից։
Հիշյալ լուսանկարների հեռացումից հետո հայտնի սոցցանցերի հասանելությունը Թուրքիայում կրկին վերականգնվել է։