Rolls-Royce ընկերությունը հրապարակել է ապագա ամենագնացի թեստային նախատիպի առաջին պաշտոնական լուսանկարները: Այն ընդհանուր օգտագործման ճանապարհներին կհայտնվի այս շաբաթվա ընթացքում: Բրիտանական արտադրողն այս մոդելի մշակման ծրագիրը Project Cullinan է կոչել:
Ըստ Motor-ի, ընկերությունը մտադիր է մեքենան փորձարկել գոյություն ունեցող բոլոր ճանապարհային ծածկույթների վրա, ստուգել «պառկած ոստիկաններին» մոտենալիս կախոցի պահվածքը եւ հասնել սրահի նույնպիսի ակուստիկ հարմարավետության, ինչպիսին ունեն սովորական Rolls-Royce-երը:
Rolls-Royce-ի ղեկավար Թորսթեն Մյուլլեր-Օտվոսի խոսքով, նորույթն իսկական ամենագնաց կդառնա, որն ունակ կլինի մարդկանց օպերայից Ալպեր հասցնել:
Մոդելը վաճառքի կհանվի 2018 թվականին:
