Գիտնականները հայտարարել են, որ կարողացել են ֆիքսել Արեգակի մագնիսական ակտիվության փուլերը, որոնք շուրջ երկու տարի են տեւում:
Հետազոտողները հավաստում են, որ իրենց բացահայտած մագնիսական փուլերը կառավարվում են Արեւի ներսում գոյություն ունեցող նյութի շարժմամբ. երբ Արեգակի հարավային կիսագնդից մագնիսական դաշտերն անցնում են հյուսիսային կիսագունդ եւ հակառակը, աստղերի ակտիվությունը փոխվում է:
Ըստ Gazeta-ի, աստղագետները տեղեկացնում են, որ այդ փոփոխությունների արդյունքները Երկրի վրա կարող են նկատելի լինել այն շրջաններում, որտեղ եղանակի միայն երկու տեսակ կա. անձրեւների եւ երաշտի սեզոն:
Գիտնականները հայտարարել են, որ նոր փուլերի բացահայտումը հետազոտողներին թույլ կտա ավելի հստակ կանխատեսել ուժեղ մագնիսական փոթորիկների առաջացումը:
