Երեւանում Հայոց ցեղասպանության 100-ամյակին նվիրված միջոցառումները շատ կարեւոր են։ Այս մասին ապրիլի 13-ին Հայաստանի խորհրդարանում կայացած մամուլի ասուլիսի ժամանակ հայտարարեց Եվրոխայի խորհրդի խորհրդարանական վեհաժողովի նախագահ Էնն Բրասերը։
Նրա խոսքով՝ Առաջին համաշխարհային պատերազմից հետո խաղաղություն հաստատվեց, սակայն դրա հիմքերը ամուր չէի...ն։ Իսկ Երկրորդ համաշխարհային պատերազմից հետո ստեղծվեց մի քանի կազմակերպություն, այդ թվում՝ Եվրոպայի խորհուրդը՝ նպատակ ունենալով կանխել նման հանցագործությունները։ «Ցավոք, մեզ չհաջողվեց կանխել մյուս լուրջ հակամարտությունները, սակայն անցյալից պետք է դասեր քաղել։ Մենք կարող ենք ընդհանուր ապագա կառուցել։ Որպես այսօրվա քաղաքական գործիչներ՝ մեր պարտքն է կանխել նոր հակամարտությունները։ Առաջին հերթին դա նշանակում է հիշել անցյալը։ Մենք գալիք սերունդների առջեւ պարտավորություն ունենք նախազգուշացնել նմանատիպ դաժանությունների մասին»,- ասաց նա։
Հիշեցնենք, որ նախքան Հայաստան այցելելը Բրասերը եղել էր Թուրքիայում՝ այցելելով նաեւ Սիրիայի եւ Իրաքի փախստականների ճամբարները։ Նա բարձր էր գնահատել թուրքական իշխանությունների կողմից փախստականներին հատկացված օգնությունը՝ 5.5 մլրդ դոլար։
