ՀԱՊԿ անդամ երկրները պետք է կանխարգելիչ քայլեր ձեռնարկեն իրենց պատասխանատվության գոտում առաջացած սպառնալիքների չեզոքացման համար։ Նման կարծիք է հայտնել ՀԱՊԿ գլխավոր քարտուղար Նիկոլայ Բորդյուժան։
«Մենք պետք է կանխարգելիչ միջոցներ ձեռնարկենք, որոնք կապահովեն այս կամ այն հարցրի չեզոքացման հնարավորությունը, որոնց հետ բախվում են երկրները»,- ասել է Բորդյուժան Բելառուսի նախագահ Ալեքսանդր Լուկաշենկոյի հետ ունեցած հանդիպման ավարտին, փոխանցում է «ՌԻԱ Նովոստի»-ն։
Բորդյուժան արձանագրել է Արեւլեյան Եվրոպայում տիրող անկայուն իրավիճակի փաստը։ «Մենք նկատում ենք Բելառուսի եւ Ռուսաստանի սահմանների անմիջական հարեւանությամբ ռազմական ենթակառուցվածքների խտացում, մարտական ավիացիայի, ծանր սպառազինությունների եւ այդ թվում՝ ԱՄՆ-ից ժամանած ռազմական կոնտինգենտի մեծ քանակ»,- նշել է նա։
ՀԱՊԿ գլխավոր քարտուղարի խոսքով՝ իրենց երկրների անմիջական հարեւանությամբ նույնպես թեժ կետեր կան՝ Մերձդնեստրը, Լեռնային Ղարաբաղը, որտեղ սառեցված հակամարտությունը սրանալու միտումներ ունի։
«Խնդիրները շատ են եւ դրանք բոլորը պետք է հաշվի առնել»,- ասել է Բորդյուժան։
Հիշեցնենք, որ ՀԱՊԿ անդամ են հանդիսանում Հայաստանը, Բելառուսը, Ղազախստանը, Ղրղզստանը, Ռուսաստանն ու Տաջիկստանը։
