Թուրք ցանցահենները ապրիլի 13-ին կոտրել են Վատիկանի կայքը այն բանից հետո, երբ Հռոմի Պապը Օսմանյան կայսրությունում հայերի ջարդերը Ցեղասպանություն էր որակել։

Ինչպես գրում է The Hill-ը, Vatican.va կայքը երկուշաբթի ցանցահենային հարձակման է ենթարկվել, սակայն երեքշաբթի առավոտյան արդեն նորմալ գործել է։ Թուրք ցանցահենը Twitter-ում խոստովանել է իր մեղքը եւ պահանջել, որ Պապը հետ վերցնի իր բառերը։

Հիշեցնենք, որ ապրիլի 12-ին Հռոմի Պապը Սուրբ Պետրոսի տաճարում Ցեղասպանության զոհերի հիշատակին մատուցած պատարագի ժամանակ հայտարարել էր, որ 20-րդ դարի առաջին ցեղասպանությանը զոհը հայերն են եղել։ Ավելի ուշ Անկարան հետ էր կանչել Վատիկանում իր դեսպանին խորհրդակցությունների համար։