Թուրքիայի վարչապետ Ահմեդ Դավութօղլուի հայազգի խորհդական Էթյեն Մահչուփյանը կրկնել է, որ 1915-ին հայերի հանդեպ ցեղասպանություն է տեղի ունեցել:
Թուրքական Karar.com-ի հետ հարցազրույցում Թուրքիայի վարչապետ Ահմեդ Դավութօղլուի գլխավոր խորհդական Էթյեն Մահչուփյանը Հռոմի Պապի հայտարարության հետ կապված հայտարարել է, թե Վատիկանը Հայոց ցեղասպանությունն ընդունելով իր ուսերից գցեց 100 տարվա բեռը:
Մահչուփյանը խորհուրդ է տվել Պապի հայտարարության մեջ քաղաքական ասպեկտներ չփնտրել՝ շեշտելով, որ այն քաղաքականից դուրս ունի հոգեբանական նշանակություն:
«Երբ Բոսնիայում եւ Աֆրիկայում տեղի ունեցած իրադարձություններին ասում ենք ցեղասպանություն, անհնար է հայերի հանդեպ տեղի ունեցածին չասել ցեղասպանություն:
Կարեւորը տեղի ունեցածի հետ առերեսվելն է, դրանից դասեր քաղել եւ առաջ շարժվել: Առանց առերեսվելու այդ բառը որեւէ նշանակություն չունի»,-ասել է Մահչուփյանը: