Seat-ը գաղտնազերծել է թարմացված Alhambra մինիվենը Իսպանական ընկերության ներկայացուցիչները հայտարարել են, թե նորույթը ավելի տնտեսող եւ բարձր արտադրողականությամբ շարժիչներ է ստացել, նաեւ հասանելի սարքավորումների ընդլայնված ցանկ։
Մինիվենն արտադրվելու է 115, 150 եւ 184 ձիաուժ հզորությամբ դիզելային շարժիչներով, նաեւ 150 եւ 220 ձիաուժ հզորությամբ բենզինային շարժիչներով։ Ամենահզոր շարժիչը մոտ 20 ձիաուժով ավելին է, քան Alhambra-ի նախորդ մոդելի վրա։
Նոր սերնդի Seat Alhambra-ն մատչելի կլինի արդեն 2015թ. մայիսից, իսկ նոր մեքենաները գնորդներին կհասնեն ամռանը։