Ռուսաստանի Զինված ուժերի գլխավոր շտաբի պետ Վալերի Գերասիմովը չի բացառում հետխորհրդային տարածքում «հակամարտությունների ապասառեցումը»՝ Ռուսաստան-Արեւմուտք հարաբերությունների լարման հետեւանքով:
«ՌԻԱ նովոստիի» փոխանցմամբ՝ հանդես գալով միջազգային անվտանգության IV մոսկովյան կոնֆերանսում, գեներալը հայտարարել է. «Չի կարելի շրջանցել նաեւ հետխորհրդային տարածքում, այսպես կոչված, սառեցված հակամարտությունները... Ռուսաստանի՝ ԱՄՆ-ի ու Եվրոպայի հետ հարաբերությունների լարվածության ֆոնին աճում է այդ հակամարտությունների ապասառեցման հնարավորությունը, ինչը սպառնում է նոր զինված բախումներով մեր պետության սահմանների մոտ»:
Ռուս զինվորականները հիշատակել է Մերձդնեստրի, Աբխազիայի, Հարավային Օսիայի ու Ղարաբաղի հակամարտությունները:
