Թուրքական մամուլն արագ է արձագանքել Եվրախորհրդարանի կողմից Հայոց ցեղասպանության վերաբերյալ բանաձեւի ընդունմանը՝ համարելով հերթական շոկը Թուրքիայի համար։
Թուրքական Cumhuriyet-ը գրել է, որ Եվրախորհրդարանում կարեւոր քվեարկությունից առաջ Եվրախորհրդարանի փոխնախագահ Անտոնիո Տայանին հայտարարել էր, որ Էրդողանը փոխել է եվրոպական ուղեգիծը եւ պանարաբական լիդեր է դարձել։
Թուրքական Analiz merkezi կայքը, Եվրախորհրդարանի որոշման մասին լուրը վերնագրել է. «Շոկային նորություն Թուրքիայի համար»։
SGKrehber-ի վերնագիրն է. «Եվրախորհրդարանի հայկական բանաձեւում շոկային զարգացում»։
Թուրքական Haberkibris կայքում հիշյալ լուրի համար օգտագործել են «Եվրախորհրդարանից Թուրքիայի համար շոկ» վերնագիրը։
Հիշյալ լուրը գրել են բոլոր թուրքական լրատվամիջոցները եւ հիմնականում ներկայացնում էին որպես անսպասելի եւ շոկային իրադարձություն Թուրքիայի համար։
