Շատ ուրախալի է, որ Եվրամիությունը դադարել է Հայաստանի հետ բաժանարար գծեր փնտրել։ Այս մասին ապրիլի 17-ին ԱԺ-ում «Ռիգայում Արեւելյան գործընկերության գագաթնաժողովին ընդառաջ» թեմայով  խորհրդարանական լսումների ժամանակ հայտարարեց «Բարգավաճ Հայաստան» կուսակցության նախագահ, Եվրաինտեգրման հարցերով խորհրդարանական հանձնաժողովի ղեկավար Նաիրա Զահրաբյանը։

Նրա խոսքով՝ Եվրամիությունը պետք է ավելի խորը քաղաքականություն վարի Արեւելյան գործընկերության երկրների հետ։ «Շատ կարեւոր է այն, որ եթե նախկինում Բրյուսելը բաժանարար գծեր էր ուզում գտնել  Հայաստանի եվրաինտեգրման եւ Եվրասիական տնտեսական միության միջեւ, ապա հիմա նաեւ տնտեսական ոլորտում ընդհանրություններ որոնելու պատրաստակամություն է նկատվում»,- ասաց Զոհրաբյանը եւ հաջողված օրինակներ բերել։

Դրա օրինակներից մեկը Բրազիլիան է։ Լինելով MERCOSUR-ի անդամ, նա միեւնույն ժամանակ խոր եւ համապարփակ տնտեսական հարաբերություններ ունի Եվրամիության հետ։ «Ինձ շատ ոգեւորեց հարեւանության եւ ընդլայնման հարցերով ԵՄ հանձնակատար Յոհանես Հանի մոտեցումը»,- եզրափակեց Զոհրաբյանը։

Հիշեցնենք, որ ԵՄ Արեւելյան գործընկերության գագաթնաժողովը կկայանա Ռիգայում մայիսի 21-22-ին։