Ադրբեջանի ԱԳՆ-ն ԱՄՆ-ին մեղադրել է իր երկրի ներքին գործերին մեղադրելու մեջ։ Բաքվի արձագանքը պայմանավորված էր Ռասուլ Ջաֆարովի հարցում ԱՄՆ Պետդեպի ներկայացուցչի քննադատությամբ։
«Մարդու իրավունքների ակումբի» համահիմնադիր եւ նախագահ Ռասուլ Ջաֆարովի հարցում ԱՄՆ Պետդեպի հայտարարությունը օրենքի շրջանակներից դուրս է եւ միջամտություն է Ադրբեջանի ներքին գործերին»,- հայտարարել է Ադրբեջանի ԱԳՆ մամուլի ծառայության ղեկավար Հիքմեթ Հաջիեւը, փոխանցում է haqqin.az-ը։
«Մենք խիստ անհանգստացած ենք ապրիլի 16-ին կայացրած մեղադրական վճռից, որով ադրբեջանցի իրավապաշտպան Ռասուլ Ջաֆարովին դատապարտել են 6.5 տարվա ազատազրկման։ Նրան ներկայացրած մեղադրանքները քաղաքական դրդապատճառներ ունեն»,- ասված է ԱՄՆ Պետդեպարտամենտի մամուլի քարտուղար Մարի Հարֆի հայտարարության մեջ, որով նա կոչ է անում Ադրբեջանին պահպանել միջազգային նորմերով ստանձնած իր պարտավորությունները եւ հարգել սեփական քաղաքացիների իրավունքները։