Ամերիկյան Southwest Airlines ընկերությանը պատկանող Չիկագո-Մանչեսթեր չվերթի օդանավի թռիչքը հետաձգվել է այն բանից հետո, երբ ուղեւորուհիներից մեկը գնդիկավոր գրիչով հարձակվել է խռմփացնող հարեւանի վրա։
Միջադեպը տեղի է ունեցել նախքան ինքնաթիռի օդ բարձրանալը։ Քնած ուղեւոր Լեննի Մորդարսկիին թվացել է, թե իրեն «կծում են մեղուները»։ Արթնանալով նա բղավել է։
«Ուղեւորուհուն իջեցրել են օդանավից»,- ասված է ավիաընկերության տարածած հաղորդագրությունում։ Նա ստիպված է եղել թռչել հաջորդ չվերթով։
