Թուրքիայի ճարտարապետների միության պատրաստած նոր զեկույցը ցույց է տվել, որ Թուրքիայի նախագահի պալատը, որն անօրինականորեն կառուցվել է արգելոցի տարածքում, ամեն օր շուրջ 18 հազար դոլարի էլեկտրաէներգիա է ծախսում, ինչն ամսական կազմում է 500 հազար դոլար։
Թուրքական «Ջեյհան» կայքի փոխանցմամբ, «Սպիտակ պալատի» էլեկտրաէներգիայի ծախսը երեք ամսում կազմել է 1,5 մլն դոլար։
Նախկինում Թուրքիայում զանգվածային բողոքի ակցիաներ են տեղի ունեցել այդ պալատի կառուցման դեմ, որի ժամանակ նշվում էր, որ երկրում գործազրկության մակարդակն աճում է, իսկ Էրդողանը հսկայական պետական միջոցներ է վատնում։