Օրեր առաջ աշխատանից հեռացված Էթյեն Մահչուփյանն իր հերթական հրապարակման մեջ ակնարկել է, որ իր աշխատանքից հեռանալու պատճառների մեջ մեծ է ցեղասպանության մասին իր հայտարարությունների դերը:
Ինչպես տեղեկացնում է թուրքական T24.com կայքը, Էթյեն Մահչուփյանը գրել է, որ առկա են ցեղասպանության մասին տարիներ շարունակ իր գրածները՝ շեշտելով, որ չնայած ինքը մշտապես ենթարկվել է Հայկական սփյուռքի քննադատությանը, նույնիսկ երբ աշխատանքի է անցել վարչապետի խորհդականի պաշտոնում:
Մահչուփյանը, ակնարկելով, որ աշխատանքից հեռանալու գործում կարեւոր է եղել ցեղասպանության մասին իր հայտարարություններից հետո իշխող կուսակցության կողմից քննադատությունները՝ պնդել է, թե որ ինքը Թուրքիայի վարչապետը լիներ, չէր ընդունի ցեղասպանությունը, քանի որ այսօրվա վարչապետը պատասխանատու է քաղաքացիների այսօրվա բարեկեցության համար:
Նշենք, որ Էթյեն Մահչուփյանը Հռոմի Պապի ելույթից հետո հայտարարել է, թե անհնար է Աֆրիայում եւ Բոսնիայում տեղի ունեցածը ասել ցեղասպանություն, իսկ հայերի հետ տեղի ունեցածը՝ չասել։ Նա պնդել էր, որ զարմանալին այն չէ, որ Հռոմի Պապը հիմա է ասում ցեղասպանություն, այլ զարմանալին այն է, որ այսքան տարի չի ասել:
Այս հայտարարությունից հետո նրան ազատել են վարչապետի խորհրդականի պաշտոնից՝ պնդելով, թե նա մեկ ամիս առաջ էր ազատվել՝ թոշակի անցնելու պատճառով:
