Բուլղարիայի խորհրդարանը քննարկելու է Հայոց ցեղասպանության ճանաչման որոշման նախագիծը, հաղորդում է բուլղարական «Darik News» պարբերականը։
Նախագիծը ներկայացրել է «Ատակա» կուսակցությունը։ Դեմ են արտահայտվել «Շարժում հանուն իրավունքների եւ ազատությունների» կուսակցության պատգամավորները (կուսակցությունը հինել են Բուլղարիայի թուրքերը)։ Նախագիծը խորհրդարանում քննարկելու առաջարկին կողմ են քվեարկել 105 պատգամավորներ, դեմ՝ 31, ձեռնպահ՝ 41 պատգամավոր։
Հիշեցնենք, որ Հայոց ցեղասպանության ճանաչման բանաձեւերը Բուլղարիայի խորհրդարան ներկայացվել են 2006 եւ 2008 թվականներին բայց երկու անգամ չեն ընդունվել՝ ՇՀԻԱ-ի ակտիվիստների ջանքերով։