Հայոց ցեղասպանության հարցում Մեծ Բրիտանիայի դիրքորոշման մեջ որոշակի փոփոխություններ են նկատվում։ Այդ մասին այսօր՝ ապրիլի 22-ին լրագրողների հետ զրույցում ասել է Մեծ Բրիտանիայի լորդերի պալատի անդամ, բարոնուհի Քերոլայն Քոքսը, որը մասնակցում է Երեւանում ընթացող «Ընդդեմ ցեղասպանության հանցագործության» երկօրյա գլոբալ ֆորումին։

Բարոնուհին հույս ունի, որ Ցեղասպանությունը կճանաչի Գերմանիան, ինչու ոչ, նաեւ Միացյալ Նահանգները։ Թեեւ մեծ թվով ամերիկյան նահանգներ ճանաչել են Հայոց ցեղասպանությունը, ամերիկյան վարչակազմը դեռ չի ընդունել, ինչը ցավալի է, արձանագրել է բարոնուհի Քոքսը եւ հավելել. «Աղոթում ենք, որ Մեծ Բրիտանիան եւ Միացյալ Նահանգները ճանաչեն Հայոց ցեղասպանությունը»։

Բարոնուհու խոսքով, ա նցած շաբաթ Լոնդոնում կայացել է միջոցառում՝ նվիրված Ցեղասպանության զոհերի հիշատակին, որի մասնակից հարյուրավոր մարդիկ բարձրացրել են Ցեղասպանությունը ճանաչած պետությունների դրոշները, ադ թվում՝ Կանադայի։ Կանադան Միացյալ Նահանգների դաշնակիցն է, եւ ես հույս ունեմ, որ ԱՄՆ-ը եւս կճանաչի Ցեղասպանությունը։

Վերջինս նաեւ կարծում է, թե վաղ թե ուշ Թուրքիան ճանաչելու է Հայոց ցեղասպանությունը, ինչը շատ կարեւոր քայլ կլինի։

Անդրադառնալով Հռոմի պապի հայտարարությանը՝ Քերոլայն Քոքսը նկատել է, թե այդ փաստը լավ խթան է կաթոլիկ պետությունների համար՝ ճանաչելու Հայոց ցեղասպանությունը։