Աշխարհահռչակ ֆրանսահայ շանսոնյե Շառլ Ազնավուրը տպավորված է ապրիլի 24-ին Ծիծեռնակաբերդի հուշահամալիրում տեղի ունեցած միջոցառմամբ: Հիշեցնենք, որ նա Երեւան է ժամանել մասնակցելու Հայոց ցեղասպանության 100-րդ տարելիցի միջոցառումներին:
NEWS.am-ի թղթակցի հետ զրույցում Ազնավուրը նշել է, որ տպավորված է միջոցառման մասշտաբներով:
Հարցին, թե իր կարծիքով, Թուրքիան կհամաձայնի մոտ ապագայում ճանաչել իր կատարած չարագործությունները, Ազնավուրն արձագանքել է, որ դա տեղի կունենա «ոչ վաղը»: «Դրա համար Թուրքիան պետք է գիտակցի, իսկ դրա համար ժամանակ է պետք: Դուք գիտեք, որ Թուրքիան համառ է»,-նշել է Ազնավուրը եւ մատով թնկթնկացրել գլխին: