Հայոց ցեղասպանության թեման հայտնվել է Մյունխեն քաղաքում լույս տեսնող գերմանական Süddeutsche Zeitung թերթի քաղաքականություն հոդվածաշարի առաջին էջում։
Թերթը մի ամբողջ էջ է հատկացրել Ցեղասպանության թեմային։ Դրանում առանձնացվել են արդիական քննարկումները՝ Հռոմի Պապի ելույթը, Գերմանիայի արտգործնախարարի հայտարարությունները, Օլանդի եւ Պուտինի այցը, Էրդողանի հայտարարությունները։ Առանձին հոդվածներով ներկայացվել են ցեղասպանություն վերապրած Սիլվարդ Ատաջյանի, անապատներում մահացած մարդկանց պատմություններ։ Հատկանշական է, որ Գերմանիայի նախագահ Յոախիմ Գաուկին վերաբերող հոդվածը կրում էր «Յոախիմ Գաուկ. Ազգի դեղագործ» անվանումը։