NEWS.am-ը զգալի կրճատումներով ներկայացնում է լրագրող Սիրիլ Լուիի հոդվածը ֆրանսիական «Le Figaro» թերթում:
«Եվրոպական պետությունը, չցանկանալով նեղացնել Թուրքիային ու Ադրբեջանին, միշտ հրաժարվել է 1915 թվականի կոտորածները որակել որպես ցեղասպանություն, սակայն իսրայելական հասարակության մի հատվածը պահանջում է վերանայել այդ դիրքորոշումը:
Եվրոպական պետությունը, որը միշտ հրաժարվել է ճանաչել Հայոց ցեղասպանությունը, բոլոր դեպքերում բացակա չէր Երեւանում այդ տարելիցին նվիրված միջոցառումներին: Հասարակության մի մասի ճնշման ներքո կառավարությունը որոշել էր խորհրդարանական պատվիրակության մակարդակով ներկա լինել Երեւանում: «Դա արտահայտում է ցավ եւ համերաշխություն, որը մենք զգում ենք հայ ժողովրդի նկատմամբ»,-ասել է Իսրայելի ԱԳՆ մամուլի քարտուղար Էմանուել Նահշոնը՝ միաժամանակ ընդգծելով, որ այս փուլում խոսքն Իսրայելի դիրքորոշման փոփոխության մասին չէ: «Մենք առաջվա պես դա ողբերգություն ենք անվանում, ոչ թե ցեղասպանություն»,-հիշեցնել է նա:
Երեւան թռիչքից առաջ պատգամավոր Նահման Շային (Սիոնիստական միություն) եւ նրա գործընկեր Անատ Բերկոյին («Լիկուդ») իսրայելցի դիվանագետները խնդրել են իրենց առաքելության ժամանակ ուշադիր ընտրել բառերը: Նրանց նախազգուշացրել են չարտահայտել տեսակետներ, որոնք կարող են վիրավորել Թուրքիային եւ Ադրբեջանին: Այդուհանդերձ, այդ երկու խորհրդարանականների մասնակցությունը Երեւանում տեղի ունեցած միջոցառումներին, ենթադրում է, որ Իսրայելի դիրքորոշումը քարին փորագրված չէ:
«Իսրայելը պետք է ինքն իրեն հարց տա՝ չի՞ եկել ժամանակը խոստովանելու, որ Հայաստանում ցեղասպանություն է տեղի ունեցել»,-ասել է Նահման Շայը, ով անձամբ իր անունից խոսում է «հայկական հոլոքոստի» մասին: «Որպես հրեա, մենք պատասխանատվություն ենք կրում այդ քայլի համարա: Մեր մասնակցությունն այդ միջոցառումներին արտահայտում է Կնեսետի հստակ պարտավորությունը՝ վերանայել այդ հարցը»,-ասել է Շայը:
Հայոց ցեղասպանությունից 100 տարի անց շատ ձայներ կոչ են անում Իսրայելի իշխանությունները չզոհել իր սկզբունքները հանուն աշխարհաքաղաքական նկատառումների: «Որպես Հոլոքոստը վերապրած ժողովրդի սերունդ, որը մինչ օրս պայքարում է դրա ժխտման դեմ, մենք պարտավոր ենք ավելի զգայում լինել այլ ժողովուրդների աղբերգությունների նկատմամբ»,-ասված է հանձնագրում, որը վերջերս ստորագրել են գիտնականների, արտիստների, իսրայելցի նախկին զինվորականների ու քաղաքական գործիչների խումբը:
2014-ի գարնանն ընտրված նախագահ Ռեուվեն Ռիվլինն անձամբ կողմնակից է Հայոց ցեղասպանության ճանաչման: Հանում պետական շահերի նա վերջերս քողարկել է այդ տեսակետը: «100-րդ տարելիցի ժամանակ այդ քննարկումները վերսկսելը նպատակահարմար չէր, սակայն անսպասելի չի լինի, եթե այդ հարցը նորից սեղանին հայտնվի կազմակերպված միջոցառումներից հետո»,-պարզաբանել է իսրայելցի պաշտոնյան: