Ռուսաստանը գնահատում է Թուրքիայի հետ հարաբերությունները եւ չի կարծում, թե նախագահ Վլադիմիր Պուտինի մասնակցությունը Երեւանում կայացած միջոցառումներին բացասաբար կազդի դրանց վրա։ Այդ մասին հայտարարել է Պուտինի մամուլի քարտուղար Դմիտրի Պեսկովը։
«Լիովին բնական է, որ նախագահն այլ առաջնորդների հետ Երեւանում էր։ Կարեւոր է ուշադիր ծանոթանալ նախագահ Պուտինի ելույթի հետ, եւ կարեւոր է չմոռանալ, որ Թուրքիան մեր ռազմավարական գործընկերն է»,- ասել է Պեսկովը։
Նրա խոսքով, «իրենք դիվերսիֆիկացված հարաբերություններ ունեն»։ «Մենք չենք կարծում, որ հիշատակի արարողություններին Պուտինի մասնակցությունը որեւէ կերպ բացասաբար կազդի ռուս-թուրքական հարաբերությունների վրա»,- ասել է Պեսկովը։
