Ղարաբաղյան հակամարտության հարցում առկա է ինչպես հրադադարի ռեժիմի վերահսկման հուսալի մեխանիզմների, այնպես դրա խախտման համար իրական պատասխանատվության ենթարկելու անհրաժեշտություն: Այդ մասին առացանց մամուլի ասուլիսի ժամանակ հայտարարել է Արեւելյան եւ աֆրիկյան հետազոտությունների դպրոցին (Լոնդոն) կից Ժամանակակից Կենտրոնական Ասիայի եւ Կովկասի հարցերով կենտրոնի գիտաշխատող Լոուրեն Բրոյերսը՝ ի պատասխան NEWS.am-ի թղթակցի հարցին՝ ԵԱՀԿ Մինսկի խմբի համանախագաներն արդյոք պատշաճ ուշադրություն դարձնո՞ւմ են կամ անհրաժեշտ ջանքեր գործադրո՞ւմ են պատերազմի կանխարգելման եւ ղարաբաղյան հակամարտության կարգավորման ուղղությամբ:
Նրա խոսքով՝ պատերազմի կանխարգելումը առաջնահերություն է դարձել, եւ այստեղ դեռ շատ անելիքներ կան: «Հակամարտության լուծման նկատմամբ ուշադրության տեսակետից ես կարծում եմ, որ Մինսկի խմբի համանախագահներն արել են հնարավորը Լեւոն Տեր-Պետրոսյանին, Հեյդար Ալեւին, Ռոբերտ Քոչարյանին, Իլհամ Ալիեւին եւ Սերժ Սարգսյանին մոտեցումների եւ առաջարկությունների լայն սպեկտր առաջարկելու համար: 20 տարիների ընթացքում դրանք առնվազն 5-ն էին, ինչը շատ ավելին է, քան օրինակ, Վրաստանի դեպքում», - նշել է Լոուրենս Բրոյերսը: Այդ 5 խաղաղ առաջարկություններն ընդգրկել են բազմաթիվ գաղափարներ ու մոտեցումներ: «Սակայն իհարկե, դրանց արդյունավետությունը սահմանափակ բնույթ էր կրում. կան հիմնական տարրերի ընդամենը մի քանի զուգորդություններ: Այդ բոլոր տարրերն առկա են Մադրիդյան սկզբունքներում, եւ դա անկասկած բացատրում է այն հանգամանքը, թե ինչու այդ սկզբունքները մնացին թղթի վրա: Ես չեմ կարծում, որ միջազգային հանրությունը կարող է ավելին անել: Եւ շարժընթացի փոփոխությունը հակամարտության կողմերի առանձնաշնորհն է», - եզրափակել է Լոուրենս Բրոյերսը: