Ցուցարարները, որոնք պահանջում են ողջ գտնել 2014 թվականի սեպտեմբերին մեքսիկական Այոտսինապ քաղաքում անհետացած ուսանողներին, ներխուժել են Հերերո նահանգի կոնգրեսի շենք եւ ավերել այն, հաղորդում են տեղի իշխանությունները:
Առեւանգած երկու մեքենաների օգնությամբ նրաք կոտրել են տեղի խորհրդարանի մուտքի ապակիները եւ մարտի բռնվել ոստիկանների հետ: Նրանք ոստիկանության ուղղությամբ քարեր ու դյուրավառ հեղուկով շշեր են նետել, ի պատասխան ոստիկանությունն արցունքաբեր գազ է օգտագործել:
Այնուհետեւ անկարգությունների մասնակիցները, որոնց թվում եղել են ուսանողներ ու մանկավարժներ: Նրանք յրել են ավտոմեքենաներ, հաղորդում է «ՌԻԱ Նովոստին»՝ վկայակոչելով El Universal-ը:
Վերջին ամիսներին Մեքսիկայում չեն դադարում ուսանողական եւ հասարակական շարժումները՝ կապված սպանված ուսանողների ճակատագրի հետ: Հունվարին այն ժամանակվա դատախազ Խեսուս Մուրիլյո Կարամը հաստատել էր անհետացած ուսանողների մահը, որոնք, նրա խոսքով, սպանվել ու այրվել էին Կոկուլա քաղաքի շրջանում, իսկ նրանց մասունքները նետվել էին Սան Խուան գետը: Սակայն անհետացած ուսանողների հարազատները չեն հավատում նրանց մահվան եւ իշխանություններից պահանջում են գտնել նրանց:
